قصيدة مسلم الوائلي تكعد لو سوة نموت مكتوبة،
نرحب بكم أعزائنا الزوار في منصة روافد نت raw2fid، حيث نسعى من خلال هذه المنصة في توفير الأجوبة الصحيحة عن أي تساؤل قد يخطر في بال الزائر العربي، وتقديم كل ما هو جديد ومتداول في حياتنا في مختلف نواحي العلوم والفنون والدين والثقافة والتاريخ والتعليم والتسلية وغيرها، بلغة مبسطة سهلة الفهم، آملين أن ننال إعجابكم وتحققوا أفضل استفادة ممكنه. وإليكم كلمات قصيدة مسلم الوائلي تكعد لو سوة نموت مكتوبة.
قصيدة مسلم الوائلي تكعد لو سوة نموت مكتوبة
تگعد لوسوه انموت لو احتار وحدي
هوه انه يعباس چم عباس عندي
رايح . عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
***
لا تحيـرني ابجفاك . اتگوم لو اموتن وراك
امده الموت الخذاك وماخذاني
مدري اسكت مدري انوح . گمت اجي يمك واروح
منين اجيب للخيم عباس ثاني
تگعد لوسوه انموت لو احتار وحدي
هوه انه يعباس چم عباس عندي
عباس . حيرت الحسين وتاه دربه
عباس . فك عينك لخيك وگف گلبه
كلش حيرتني وزاد نوحي . اول مره هاي ابچي اعله روحي
رايح . رايح
***
يالمعودني عليك . عادي گوم ابلايه اديك
سوي كلشي ولاتظل عالگاع سكته
من اروح اتون وراي . وترضه ماترضه اعله هاي
حسين يم نسوانكم نزلت دمعته
سوهه لخاطر حسين فاضت نار صدري
ولدي الكلش اعزاز ماكسرولي ظهري
راحوا . زينب من بچت گلتلها سكتي
عباس . وانته الطلعت روحي ودمعتي
لا والغاثني ابطيحتك هاي . انه ابچي وعدوي يضحك اوياي
رايح . رايح
***
انته بعيونك سهم . وانه عيني اعله الخيم
آخ لن من الخيم طلعن حرمنه
آخ خويه اركاض إجن . اگبالهم وتعثرن
آخ والسبعين الف شافوا خدرنه
ريت ومن امس كون لاصبح صبحنه
نسوان من الخيام طاحن واحنه طحنه
زينب . گومي وللخدر ياخدري ردي
زينب . اغله من عباس عندي
بس لا بيه اجيچ ولا اعوفه . ولا اگدر اشيله ولا اشوفه
رايح . رايح
***
من وره هذا السكوت . مادري بيا ساعه اموت
بيا وكت عباس هيچ ايصير بيه
كلشي يمي اعليه ناح . الخيل والدم والرماح
الضحكـوا اعليه بچـو هسه عليه
لاميت ولاظال لاكف مني نوحي
گاعد واحچي وياك بس ماهيه روحي
روحي . لوبيه صدگ چا ليش ياناس
روحي . كلما يشهگ إيطلعها عباس
طحنه اثنينه إعله الگاع ميتيـن . زينب تيهت ياهوه الحسيـن
رايح . رايح
***
خويه مادامك مشيت . وانه الحسين وبچيت
هانت الدنيه وبعد مابيها خوه
انه موش حسين ذاك . ردت اموتن من وراك
بس هذني الـ بالخيم كضني گوه
باچر كلنه نشتاگ وفراگك يذلنه
وبفراگك يعباس كون انموت كلنه
عالنوگ . عباس الحرم باچر يفوتن
بالسوگ . خاف ايطبن السوگ ويموتن
نسوان المخيم تون كلها . راح اتموت عباس اگعذ الها
رايح . رايح